A vindeira fin de semana que comeza no día de mañá depararanos unha grella de competicións moi interesante na que participarán os atletas do Club Atletismo Narón. Por orde de importancia resaltaremos o XXXI Campionato de Galicia de Probas Combinadas en Pista Cuberta (Absoluto a Sub16 – Máster) e o Campionato de Galicia Sub23 en Pista Cuberta.

O pasado domingo disputouse en As Pontes a Fase Intercomarcal, clasificatoria para o provincial, do Cross XOGADE. Nesta fase intercomarcal clasifican os dous mellores equipos por categoría e sexo, así como os oito primeiros clasificados de forma individual (atletas que o seu equipo non se clasifique e finalicen entre os oito primeiros). O Club Atletismo Narón logrou clasificar a 4 equipos (os dous equipos Sub 10 masculinos e o Sub 12 e Sub 14 femininos) e 2 atletas de forma individual (Pablo López e Germán Rey) para o Campionato Provincial que terá lugar o vindeiro 1 de febreiro.

Despois da xornada do sábado onde se disputou a Copa de Clubs Absoluta, na mañá do domingo tiña lugar no mesmo escenario (Expourense) a mesma competición, pero en categoría máster. O noso club participaba (igual que o día anterior) tanto en categoría masculina como feminina (sendo o único club galego en ter representación en ambos campionatos en ambas categorías) e foron as féminas as que conqueriron un mellor resultado finalizando na 4º posición, mentres que os rapaces finalizaron nun meritorio 7º posto.

O pasado sábado na pista cuberta de Expourense tivo lugar unha nova edición da Copa de Galicia de Clubs en Pista Cuberta. O noso club volvía despois dunhas tempadas a ter representación tanto en categoría masculina como en feminina. O balance final foi un 4º posto (empatado a puntos co Club Atletismo Santiago que foi 3º) para o equipo masculino e un 6º posto para o equipo feminino.

No día de mañá, 12 de xaneiro, na localidade veciña de As Pontes terá lugar o Campionato Intercomarcal XOGADE para as categorías menores. Na imaxe podemos ver os rapaces e rapazas que defenderán as cores do noso club na localidade pontesa.

No día de mañá, domingo 12 de xaneiro, dispútase en Expourense a III Copa de Galicia de Clubs Máster en Pista Cuberta. De seguido vos presentamos a convocatoria dos nosos equipos masculino e feminino que tratarán de deixar o listón do club o máis alto posible.

No día de mañá, sábado 11 de xaneiro, dispútase en Expourense a XVI Copa de Galicia de Clubs en Pista Cuberta. De seguido vos presentamos a convocatoria dos nosos equipos masculino e feminino que tratarán de deixar o listón do club o máis alto posible.

Na fin de semana do 3, 4 e 5 de xaneiro tiveron cita diversas competicións nas que estiveron presentes @s atletas do Club Atletismo Narón: XVII Memorial Ramón Peña (Ferrol), Control Pista cuberta SG Pontevedra – CA Sada (Ourense) e II Torneo de Reis (Pontevedra).

Comezamos 2020 ÓN Fire. No día de onte publicabanse os equipos clasificados para as Copas de Galicia, tanto absoluta coma máster.

Hoy tenemos el placer de presentaros a Abdelkabir Zaroual, atleta de versátil en las pruebas de medio fondo y fondo, que a buen seguro, nos traerá muchas alegrías. Procede del Añares Rioja y es un viejo conocido del ADAS de O Barco, pues defendió sus colores a principios de la década.