O pasado sábado na pista cuberta de Expourense tivo lugar unha nova edición da Copa de Galicia de Clubs en Pista Cuberta. O noso club volvía despois dunhas tempadas a ter representación tanto en categoría masculina como en feminina. O balance final foi un 4º posto (empatado a puntos co Club Atletismo Santiago que foi 3º) para o equipo masculino e un 6º posto para o equipo feminino.
O equipo masculino acudía a Ourense cun equipo competitivo, disposto a loitar por estar no podio, e así discurreu a competición, con moita igualdade entre os nosos (69 puntos), o Club Atletismo Santiago (69 puntos) e o Real Club Celta Atletismo (73 puntos). Finalmente o relevo decantou a balanza e os nosos rapaces quedaron fóra do podio pola mínima. Destacar a vitoria de Mehdi Nabaoui nos 3.000 metros, os segundos postos de Demba Sanyang (400 metros, refrendando a súa mínima para o Campionato de España Sub 20), Noel Vega (peso) , Pablo Bocelo (1.500 metros, achegándose á mínima para o nacional absoluto), Alex Barreiro (triple) e as terceiras posicións de Alex Romero (altura, moi preto da súa marca persoal despois de moitos problemas físicos) e Joval Montero (lonxitude).
As rapazas regresaban a esta competición despois de dúas tempadas afastadas de ela e fixeron un gran papel. As naronesas finalizaron con 49 puntos, a un escaso punto do Lucus Caixa Rural, un clásico deste tipo de competicións, que foi 5º. Como actuacións individuais destaca a vitoria de Nerea Muñoz na lonxitude, o segundo posto do relevo (con Eva Castro, Paula Carbonell, Manuela Castro e Lidia Fariñas), e os cuartos postos de Manuela Castro (400) e Lidia Fariñas (200).
Noraboa a todos os participantes e seguiremos traballando para mellorar estes resultados na Copa de Clubs de Aire Libre no mes de abril.